RU Оғоз

Адабиёти тоҷик: Адабиёти классикӣ

Супоришҳои мавзӯъ аз маҷмӯаи расмии ММТ: дар саҳифа — 30, ҳамагӣ дар маҷмӯа — 167. Супоришро худатон ҳал кунед, баъд ҷавобро кушоед. Дигар супоришҳо — бо шарҳи ҳал — дар барномаи Омода AI.

  1. 1

    Забони кадом китоб дар адабиёти қадими мо ба забони китоби муқаддаси ҳиндуён “Ригведа (Веда) монанд буда, аз гузаштаи ягонаи қавмҳои ориёӣ гувоҳӣ медиҳад?

    1. A “Авесто”
    2. B “Дарахти Асуриг”
    3. C “Корномаи Ардашери Бобакон”
    4. D “Андарзи Озарбоди Меҳроспандон”
    Нишон додани ҷавоб

    Ҷавоби дуруст: A “Авесто”

  2. 2

    Аз рӯйи байти зерини Мутаваккилӣ муҳтавои адабиёти арабизабони тоҷикро муайян намоед: Ман зодаи родмардонам аз дудмони Ҷам, Вориси тахту тоҷи шаҳриёрони Аҷам ҳастам.

    1. A барқарор кардани истиқлоли маънавию сиёсӣ
    2. B ҳифзу эҳёи дороиҳои фарҳангу адаби тоисломӣ
    3. C мадҳи аҷдоди эронӣ ва ифтихор аз гузаштаи ватан
    4. D таъмини растгории маънавии қавмҳои эронинажод
    Нишон додани ҷавоб

    Ҷавоби дуруст: C мадҳи аҷдоди эронӣ ва ифтихор аз гузаштаи ватан

  3. 3

    Аз рӯйи байтҳои зерин муайян намоед, ки Зардушт ба Гуштосп (аз “Шоҳнома”-и Абумансури Дақиқӣ) чӣ гуфтааст? Ба шоҳи ҷаҳон гуфт Зардушти пир, Ки: “Дар дини мо ин набошад ҳажир, Ки ту бож бидҳӣ ба солори Чин, На андархӯр ояд ба оину дин ...”

    1. A Ба солори Чин бож додани ту ба дину оини мо манфиатовар нест.
    2. B Мувофиқи оини мо бож додан умуман дуруст нест.
    3. C Аз рӯйи оину дини мо ба солори Чин бож додани ту нек нест.
    4. D Дар дину оини мо бож надодан ба солори Чин дуруст нест.
    Нишон додани ҷавоб

    Ҷавоби дуруст: C Аз рӯйи оину дини мо ба солори Чин бож додани ту нек нест.

  4. 4

    Доир ба байтҳои зерини Абумансури Дақиқӣ кадом хулоса дуруст аст? Дақиқӣ чор хислат баргузидаст Ба гетӣ аз ҳама хубию зиштӣ: Лаби ёқутрангу нолаи чанг, Майи хушрангу дини зардуҳиштӣ.

    1. A Дақиқӣ аз маю мусиқию маҷлиси ёр ва дини зардуштӣ дурӣ меҷустааст.
    2. B Дақиқӣ пайрави дини зардуштӣ ва дӯстдори маю мусиқию маҷлиси ёр буд.
    3. C Дақиқӣ маю мусиқиро хуб ва дини зардуштиро зишт шуморидааст.
    4. D Дақиқӣ пайрави дини зардуштӣ буд, вале маю мусиқиро зишт медонист.
    Нишон додани ҷавоб

    Ҷавоби дуруст: B Дақиқӣ пайрави дини зардуштӣ ва дӯстдори маю мусиқию маҷлиси ёр буд.

  5. 5

    Кадом байти Абушакури Балхӣ бо сухани Абулқосими Фирдавсӣ “Тавоно бувад, ҳар кӣ доно бувад” ҳаммаъност?

    1. A Хирад чун надонӣ, биёмӯзадат, Чу пажмурда гардӣ, барафрӯзадат.
    2. B Касе, к-ӯ ба дониш барад рӯзгор, На ӯ ёфа монад, на омӯзгор.
    3. C На донотар он кас, ки волотар аст, Ки волотар он кас, ки донотар аст.
    4. D Ҷаҳонро ба дониш тавон ёфтан, Ба дониш тавон риштану тофтан.
    Нишон додани ҷавоб

    Ҷавоби дуруст: C На донотар он кас, ки волотар аст, Ки волотар он кас, ки донотар аст.

  6. 6

    Абуабдуллоҳи Рӯдакӣ дар қасидаи “Модари май” киро “моҳи озодагону мафхари Эрон”, “малики адлу офтоби замона”-гӯён мадҳ намудааст?

    1. A амир Исмоили Сомониро
    2. B амир Насри II Сомониро
    3. C волии Хуросон Абуҷаъфар Аҳмад ибни Муҳаммадро
    4. D вазири давлати Сомониён Абулфазли Балъамиро
    Нишон додани ҷавоб

    Ҷавоби дуруст: C волии Хуросон Абуҷаъфар Аҳмад ибни Муҳаммадро

  7. 7

    Дар кадом асари Абуабдуллоҳи Рӯдакӣ амир Насри II Сомонӣ ба моҳ ва сарв ташбеҳ дода шудааст?

    1. A маснавии “Синдбоднома”
    2. B қасидаи “Модари май”
    3. C қасидаи “Бӯйи Ҷӯйи Мӯлиён”
    4. D қасидаи “Шикоят аз пирӣ”
    Нишон додани ҷавоб

    Ҷавоби дуруст: C қасидаи “Бӯйи Ҷӯйи Мӯлиён”

  8. 8

    Кадом байти Абуиброҳими Мунтасир сухани Абуабдуллоҳи Рӯдакӣ “Кунун замона дигар гашту ман дигар гаштам”-ро ба хотир меорад?

    1. A Гаҳе ба иззу ба давлат ҳаменишастам шод, Гаҳе зи ҳирс ҳамерафтам зи ҷой ба ҷой.
    2. B Басе тафохур кардам, ки ман касе ҳастам, Кунун баробар бинам ҳаме амиру гадой.
    3. C Чу марг тохтан овард, ҳеч суд накард, Бақо бақои Худоясту мулк мулки Худой.
    4. D Ҳазор қалъа кушодам ба як ишорати даст, Басе масоф шикастам ба як фишурдани пой.
    Нишон додани ҷавоб

    Ҷавоби дуруст: B Басе тафохур кардам, ки ман касе ҳастам, Кунун баробар бинам ҳаме амиру гадой.

  9. 9

    Кадом шарҳ ба байти Абуабдуллоҳи Рӯдакӣ мувофиқ аст? Шуд он замона, ки шеъраш ҳама ҷаҳон бинвишт, Шуд он замона, ки ӯ шоири Хуросон буд.

    1. A Рӯдакӣ ба Абулфазли Балъамии вазир ишора карда, шуҳратёр будани ӯро дар тамоми Хуросон таъкид мекунад.
    2. B Манзури Рӯдакӣ Дақиқӣ аст, ки бо асари “Гуштоспнома”-аш дар Ироқу Хуросон машҳур ва маъруф шуда буд.
    3. C Рӯдакӣ худро дар назар дорад ва аз шуҳрату овозаи даврони ҷавониаш бо ифтихор сухан мегӯяд.
    4. D Шоир аз шуҳрату овозаи Абуиброҳими Мунтасир сухан ронда, ба табъи шоирӣ доштани ӯ ишора мекунад.
    Нишон додани ҷавоб

    Ҷавоби дуруст: C Рӯдакӣ худро дар назар дорад ва аз шуҳрату овозаи даврони ҷавониаш бо ифтихор сухан мегӯяд.

  10. 10

    Сухани зерини Мантиқии Розӣ ба кадом байти Абуабдуллоҳи Рӯдакӣ ҳаммаъност? Маро зи ҷуди салотину меҳтарони замон, Сарой зарриндевор буду симинбом.

    1. A Куҷо ба гетӣ будаст номвар деҳқон, Маро ба хонаи ӯ сим буду ҳумлон буд.
    2. B Шуд он замона, ки ӯ унси родмардон буд, Шуд он замона, ки ӯ пешкори мирон буд.
    3. C Киро бузургию неъмат зи ину он будӣ, Маро бузургию неъмат зи Оли Сомон буд.
    4. D Сапеду симзада буду дурру марҷон буд, Ситораи саҳарӣ буду қатраборон буд.
    Нишон додани ҷавоб

    Ҷавоби дуруст: A Куҷо ба гетӣ будаст номвар деҳқон, Маро ба хонаи ӯ сим буду ҳумлон буд.

  11. 11

    Бо ин байт Абулқосими Фирдавсӣ ба кадом подшоҳ муроҷиат кардааст? Яке бандагӣ кардам, эй шаҳриёр, Ки монад зи ман дар ҷаҳон ёдгор.

    1. A Наср ибни Аҳмади Сомонӣ
    2. B Султон Маҳмуди Ғазнавӣ
    3. C Султон Масъуди Ғазнавӣ
    4. D Нуҳ ибни Мансури Сомонӣ
    Нишон додани ҷавоб

    Ҷавоби дуруст: B Султон Маҳмуди Ғазнавӣ

  12. 12

    Мувофиқи ривояти “Шоҳнома”-и Абулқосими Фирдавсӣ номи писарони Фаридун, ки сарзаминашро байни онҳо тақсим намуд:

    1. A Ковус, Гев, Тӯс
    2. B Салм, Тур, Эраҷ
    3. C Бежан, Сиёвуш, Фуруд
    4. D Манучеҳр, Эраҷ, Сом
    Нишон додани ҷавоб

    Ҷавоби дуруст: B Салм, Тур, Эраҷ

  13. 13

    Аз рӯи муҳтаво “Шоҳнома”-и Фирдавсӣ кадом бахшҳоро дар бар мегирад?

    1. A асотирӣ, миллӣ, таърихӣ
    2. B асотирӣ, паҳлавонӣ, таърихӣ
    3. C асотирӣ, қадим, нав
    4. D қадимтарин, қадим, нав
    Нишон додани ҷавоб

    Ҷавоби дуруст: A асотирӣ, миллӣ, таърихӣ

  14. 14

    Кадом бахши “Шоҳнома”-и Фирдавсиро “давраи асотирӣ” мегӯянд?

    1. A аз қиёми Кова то марги Рустам
    2. B аз шикасту марги Дорои Каёнӣ то охир
    3. C аз подшоҳии Каюмарс то подшоҳии Фаридун
    4. D аз подшоҳии Хусрави Парвиз то марги Яздгирд
    Нишон додани ҷавоб

    Ҷавоби дуруст: C аз подшоҳии Каюмарс то подшоҳии Фаридун

  15. 15

    Кадом бахши “Шоҳнома”-и Фирдавсиро “давраи паҳлавонӣ” мегӯянд?

    1. A аз қиёми Кова то марги Рустам
    2. B аз шикасту марги Дорои Каёнӣ то охир
    3. C аз подшоҳии Каюмарс то подшоҳии Фаридун
    4. D аз подшоҳии Хусрави Парвиз то марги Яздгирд
    Нишон додани ҷавоб

    Ҷавоби дуруст: A аз қиёми Кова то марги Рустам

  16. 16

    Кадом бахши “Шоҳнома”-и Фирдавсиро “давраи таърихӣ” мегӯянд?

    1. A аз қиёми Кова то марги Рустам
    2. B аз шикасту марги Дорои Каёнӣ то охир
    3. C аз подшоҳии Каюмарс то подшоҳии Фаридун
    4. D аз подшоҳии Хусрави Парвиз то марги Яздгирд
    Нишон додани ҷавоб

    Ҷавоби дуруст: B аз шикасту марги Дорои Каёнӣ то охир

  17. 17

    Афсонаи русии “Достони Еруслан Лазаревич” дар пайравии кадом достони “Шоҳнома”-и Фирдавсӣ ба вуҷуд омадааст?

    1. A “Достони Кова”
    2. B “Достони Рустам”
    3. C “Достони Фаридун”
    4. D “Достони Баҳроми Гӯр”
    Нишон додани ҷавоб

    Ҷавоби дуруст: B “Достони Рустам”

  18. 18

    Кадом асари адабиёти классикии мо “аниси кунҷи танҳоӣ”-и нависанда ва мутафаккири барҷастаи рус Н. Чернишевский дар зиндон будааст?

    1. A “Қонун”-и Абуалӣ ибни Сино
    2. B “Қобуснома”-и Унсурулмаолии Кайковус
    3. C “Девон”-и Ҳофизи Шерозӣ
    4. D “Шоҳнома”-и Абулқосими Фирдавсӣ
    Нишон додани ҷавоб

    Ҷавоби дуруст: D “Шоҳнома”-и Абулқосими Фирдавсӣ

  19. 19

    Кадом адиби барҷастаи моро дар адабиётшиносии Ғарб ҳампоя ва баробар бо саромадони адабиёти ҷаҳон, аз ҷумла Ҳомер ва Данте, донистаанд?

    1. A Низомии Ганҷавӣ
    2. B Унсурулмаолии Кайковус
    3. C Абулқосими Фирдавсӣ
    4. D Ҳофизи Шерозӣ
    Нишон додани ҷавоб

    Ҷавоби дуруст: C Абулқосими Фирдавсӣ

  20. 20

    Данте дар асараш “Мазҳакаи илоҳӣ” аз кадом адиби классики мо ном бурдааст?

    1. A Абулқосими Фирдавсӣ
    2. B Абуалӣ ибни Сино
    3. C Абуабдуллоҳи Рӯдакӣ
    4. D Низомии Ганҷавӣ
    Нишон додани ҷавоб

    Ҷавоби дуруст: B Абуалӣ ибни Сино

  21. 21

    Дар мисраи дуюм ба кӣ ишора шудааст? Устод Шаҳид зинда боистӣ В-он шоири тирачашми равшанбин. Абумансури Дақиқӣ

    1. A Абуҳафси Суғдӣ
    2. B Абушакури Балхӣ
    3. C Абуабдуллоҳи Рӯдакӣ
    4. D Асадии Тӯсӣ
    Нишон додани ҷавоб

    Ҷавоби дуруст: C Абуабдуллоҳи Рӯдакӣ

  22. 22

    Дар ситоиши Абуабдуллоҳи Рӯдакӣ кадом шоир чунин гуфтааст? Киро Рӯдакӣ гуфта бошад мадеҳ, Имоми фунуну суханвар бувад.

    1. A Абуҳафси Суғдӣ
    2. B Абушакури Балхӣ
    3. C Абумансури Дақиқӣ
    4. D Асадии Тӯсӣ
    Нишон додани ҷавоб

    Ҷавоби дуруст: C Абумансури Дақиқӣ

  23. 23

    “Шоҳнома”-и Дақиқиро боз бо кадом ном мешиносанд?

    1. A “Гаршоспнома”
    2. B “Луҳроспнома”
    3. C “Гуштоспнома”
    4. D “Ҷомоспнома”
    Нишон додани ҷавоб

    Ҷавоби дуруст: C “Гуштоспнома”

  24. 24

    Падари Исфандиёр мувофиқи ривояти “Шоҳнома”-и Абулқосими Фирдавсӣ.

    1. A Луҳросп
    2. B Гуштосп
    3. C Арҷосп
    4. D Ҷомосп
    Нишон додани ҷавоб

    Ҷавоби дуруст: B Гуштосп

  25. 25

    “Шоҳнома”-и Абулқосими Фирдавсӣ бо баёни кадом ҳодиса ба охир мерасад?

    1. A марги Эраҷ
    2. B марги Суҳроб
    3. C марги Исфандиёр
    4. D марги Яздигирд
    Нишон додани ҷавоб

    Ҷавоби дуруст: D марги Яздигирд

  26. 26

    Байти зерини Абулқосими Фирдавсӣ кадом маъниро бозгӯйӣ мекунад? Зи абёти ғарро ду раҳ сӣ ҳазор, Мар он ҷумла дар шеваи корзор.

    1. A “Шоҳнома” беҳтарин достони қаҳрамонӣ буда, аз шаст ҳазор байти хуб иборат аст.
    2. B “Шоҳнома” дар ду нусха навишта шудааст ва ҳар нусха шомили сӣ ҳазор байт аст.
    3. C “Шоҳнома” ба назм навишта шудааст ва дар он набарди шоҳон тасвир гардидааст.
    4. D “Шоҳнома” дар бораи ҷангҳои подшоҳон аст ва сӣ ҳазор байтро дар бар мегирад.
    Нишон додани ҷавоб

    Ҷавоби дуруст: A “Шоҳнома” беҳтарин достони қаҳрамонӣ буда, аз шаст ҳазор байти хуб иборат аст.

  27. 27

    Кадоме аз ин асарҳо яке аз сарчашмаҳои “Шоҳнома”-и Фирдавсӣ ба шумор меравад, ки шоир онро аз тариқи матни “Худойнома” истифода бурдааст?

    1. A “Корномаи Ардашери Бобакон”
    2. B “Андарзи Озарбоди Меҳроспандон”
    3. C “Гоҳон”
    4. D “Ёдгори Зарирон”
    Нишон додани ҷавоб

    Ҷавоби дуруст: A “Корномаи Ардашери Бобакон”

  28. 28

    Достони “Бежан ва Манижа” (аз “Шоҳнома”-и Абулқосими Фирдавсӣ) чӣ гуна асар аст?

    1. A танқидӣ
    2. B ёддоштӣ
    3. C таърихӣ
    4. D ишқӣ
    Нишон додани ҷавоб

    Ҷавоби дуруст: D ишқӣ

  29. 29

    Абулқосими Фирдавсӣ бо гуфтани байти зерин ба кадом масъала ишора намудааст? Бирафт ӯву ин нома ногуфта монд, Чунин бахти бедори ӯ хуфта монд.

    1. A марги шоир Муродӣ ва ногуфта мондани шеърҳои ӯ
    2. B аз ҷаҳон рафтани устод Рӯдакӣ ва мондани ҳикмати ӯ
    3. C вафоти Марзбони Рустам ва боқӣ мондани “Марзбоннома”
    4. D ҷавонмаргии Дақиқӣ ва нотамом мондани “Шоҳнома”-и ӯ
    Нишон додани ҷавоб

    Ҷавоби дуруст: D ҷавонмаргии Дақиқӣ ва нотамом мондани “Шоҳнома”-и ӯ

  30. 30

    Гуштосп бар ивази тоҷу тахт ба Исфандиёр чӣ шарт гузошта буд? Супорам туро ганҷу тахту кулоҳ, Нишонам-т бо оҷ дар пешгоҳ ... . Агар тахт хоҳӣ ҳаме бо кулоҳ, Раҳи Систон гиру баркаш сипоҳ. Абулқосими Фирдавсӣ

    1. A гирифтани кини бобояш Луҳросп аз Арҷосп
    2. B рафтан ба ҷанги Рустам ва ба банд овардани ӯ
    3. C раҳонидани хоҳарони Гуштосп аз банди Арҷосп
    4. D фиристодани Башутан ва Баҳман ба ҷанги Рустам
    Нишон додани ҷавоб

    Ҷавоби дуруст: B рафтан ба ҷанги Рустам ва ба банд овардани ӯ